救命呀！你不要过来呀！苍蝇超人!

"金叔，早晨呀！"

"噢?!... 少华仔，今日咁早呀？! 礼拜日嚟喎，.."

"系咁嘅，佳人有约嘛 ;-) ，见下面啰，好耐唔见咗，.. 她最近好忙呀，..你咪系咁早?! 嗯… 我知啦，.. 约咗樓上嘅靓姐ne?!"

"仲系咁钟意乱噏呀你!! 我今朝见到佢同佢老公撑桌脚， a，你想我俾人炳呀？!.. 其实系我个衰仔今日会嚟睇我，..."

"唔怪得知啦！.. 真系24孝老豆呀你，成日把囗就衰仔前衰仔后，其实都唔知几咁锡佢，"

"你咪系一样，都系想见下她，..   真是个衰仔嚟架，又唔知几点到，本来想搵老李倾偈下，佢番嚟冇耐，人新路不熟，想同佢四周圍行下，"

" 叔，你唔好日日都烦住Uncle Lee啦，他们俩公婆先见番面冇耐，俾下人吔开心二人世界啦，"

"系啦，系啦，讲开又讲，唉… 我尼个衰仔真系好唔掂挡，.. "

"唔系瓜?! 做工有大镬嘢?! "

"唔系瓜，就系菜，..我系话，... 佢到依家都溝唔到女仔呀，都唔知佢系咪果味嘢?!  想当年，阿叔我纵横情场，有名为情场鬼见愁，..."

"真系要叫你做uncle啰，你咁鬼out架！搞基之嘛，好出奇咩?! 算啰，.."

"你叻仔，揾到个咁正嘅女朋友，"

"话时话，不过很唔fair呀,.."

"我知你点谂，觉得好似嘥紧佢嘅时间，你唔好懒有型啦，佢咁靓女，大把人追啦，唔使几久佢谂通咗，就实系飞硬你，"

"唔系呀，真系好唔 fair呀！,.. 尼度... 咁多鬼妹呀!~，..顶唔顺架嘛！"

"你唔好咁鬼死咸湿啦！我都未讲完呀，个衰仔仲好似撞到污糟嘢，...依班都话自己乜.. 瓜咗，...又话乜鬼嘢行乜走咩肉，仲话乜鬼嘢死咗嘅活人咁，.. 仲有乜活着嘅死人咁样，.. 做个活着嘅活人..

唉…我由佢细细个就同佢讲，我吔雖然窮，但唔會亂讲嘢，我吔唔去偷，我吔唔去搶; 

唔屬於自己嘅嘢，我吔唔會拿。要努力讀書，將來做一個有用嘅人。
我呀，就系细个唔書读，所以現在跟不上時代..."

"Hmm,.. d话咁熟嘅，..我有d唔明，点解你知道个仔咁多嘢?!.."

"有几难明呀！我嘅老婆朝朝拜完神，就同我讲屋企仔女嘅嘢！"

"咁样，..系啦！俾d嘢你睇，勁嘢嚟架!"

"乜鬼嘢呀?!"

"你睇，iPhone 6呀！我老友送架，加咗gst咗架啦，今朝收到，勁呢?!"

"果言勁喎，仲系有前面.. 无后面嘅??!"

"唔系瓜?! 唉…真系喎，送到一半..熄咗，..今晚报夢话佢知，..系喎，顺便讲尼度又通货膨胀好厲害，.."

"你唔好吓亲佢啦，...       噢，..衰仔，嚟咗呀，...叫埋婆婆，公公，.."



衰仔：「阿爸! 系我吔呀! 今日系清明节，出去吃嘢啦，..」

后记:   ..想了很久，...还是写了下来，...自我记录吧 ，..    也记录这首歌吧，...(虽然这首歌在这里有点不对, .. 不用紧吧 ..)